د امام خمیني (ره) افکار د مقاومت چورلیز لارښوونکی مشال دی

ایکنا - د لبنان د حزب الله ولسی غورځنګ عمومي منشي شیخ نعیم قاسم د حضرت امام خمیني (ره) د ۳۶م تلین په مناسبت په یوې اعلامیې کې ټینګار وکړ: د ایران اسلامي جمهوریت د امام خمیني (ره) په مشرۍ د فلسطین او قدس شریف د آزادولو لپاره د مقاومت تر څنګ په کلکه ودرېد. 

د ایکنانیوز  د راپور له مخې، شیخ نعیم قاسم وویل: د امام خمیني (ره) افکار لا هم په بشپړ ځواک سره په صحنې کې شته او  اسلامي امت  د هغه د انقلابي طرحې له لارې د  سوچه محمدي (ص) اسلام  د نور شاهد دی. 

هغه زیاته کړه: ارواښاد امام الهي او ایماني ارزښتونه په ټولنې کې راڅرګند کړل او دا ارزښتونه لا هم د مقاومت او په سیمې کې د ازادي غوښتونکو خوځښتونو لپاره لارښوونکي مشال دي. 

شیخ نعیم قاسم وویل: امام خمیني (ره) د ظلم، نیواک  او  دهغو دتالی څټو  پر وړاندې مبارزه وکړه. هغه زیاته کړه: وروسته له  دې چې امام خمیني ایران د امریکا په ملاتړ د شاهي استبداد له رژیم څخه په یوه  خپلواک او سرلوړي اسلامي جمهوریت  بدل کړ، چې د نړۍ د مظلومانو او مستضعفانو تر څنګ ولاړ دی، مونږ د حق پر باطل د بریا په هیله ژوند کوو. 

د حزب الله عمومي منشي د ایران اسلامي جمهوریت پر چورلیزي رول ټینګار وکړ او وې ویل: ایران د امام خمیني (ره) په مشرۍ د فلسطین او قدس شریف د ازادولو لپاره د مقاومت تر څنګ په کلکه ودرېد.

https://iqna.ir/fa/news/4285975